YG ashambuliwa kwa risasi mara tatu huko Los Angeles

 

Rappa toka pande za Compton,California,YG alikutwa na mkasa wa kushambuliwa kwa risasi 3 akitokea Studio City area mitaa ya Los Angeles.

Tukio la rappa YG kushambuliwa kwa risasi lilitokea saa saba usiku rappa huyo alipokuwa akitoka studio kurekodi. YG alishambuliwa kwa risasi tatu zilizompata pajani lakini aliweza kujikokota mpaka kwenye gari ambapo alipata msaada wa kupelekwa hospitali na mmoja wa rafiki zake.

Polisi walipigiwa simu na kufika eneo latukio na kukuta damu zimetapakaa hivyo wakaelekea hospitali kwaajii ya kuhoji rappa huyo ambapo taarifa zinasema hawakuweza kupata taarifa vizuri kwani YG alikuwa katika maumivu makali.Polisi wapo katika uchunguzi wa kumsaka aliyefyatua risasi.